पिकनिकला गेलेल्या तरुणांवर बिबट्याचा हल्ला ; पुढे जे घडले .

शहडोल  ( एमपी ) / नवप्रहार डेस्क

                           पिकनिक ला गेलेले लोक मस्तीत दंग असतात. यावेळी त्यांना आजूबाजूला काय सुरू आहे हे पाहण्याचे ध्यान नसते. पिकनिक स्पॉट परिसरात जर हिंस्त्र जनावरांचा वावर असेल तर अश्याच बेसावध क्षणी हल्ला करतात. अश्या वेळी त्यांच्या तावडीतून स्वतःची सुटका करून घेणे सोपे नसते. पण एका तरुणाचे नशीब बलवत्तर असावे किंवा त्यावेळी यंमराज सुटीवर गेले असावे.

 मध्य प्रदेशातील शहडोलमध्ये बिबट्याच्या हल्ल्याचा लाइव्ह व्हिडिओ समोर आला आहे. या व्हिडीओमध्ये काही तरुण मोकळ्या मैदानात उभे राहून बिबट्याचा व्हिडिओ बनवताना दिसत आहे.

दरम्यान, बिबट्याला आपल्या दिशेने येताना पाहून सर्वजण पळून जातात. मात्र, यादरम्यान एक तरुण जमिनीवर पडतो आणि बिबट्या त्याला पकडतो. यानंतर त्याचे इतर साथीदार आवाज करतात आणि बिबट्या त्याला सोडून पळून जातो.

बिबट्याच्या हल्ल्यातून हा तरुण थोडक्यात बचावल्याचे व्हिडिओमध्ये स्पष्ट दिसत आहे. या तरुणाची प्रकृती गंभीर असून त्याला रुग्णालयात दाखल करण्यात आले आहे. शहडोल जिल्हा मुख्यालयाला लागून असलेल्या मेडिकल कॉलेजजवळ असलेल्या सोन नदीच्या खतौली छोभा घाटावर ही घटना घडली. येथे बिबट्याच्या हल्ल्यात तीन जण जखमी झाले आहेत. तिघेही पिकनिकला गेले होते. या काळात आकाश कुशवाह, नितीन समदरिया, नंदिनी सिंग यांना दुखापत झाली आहे. यापैकी नितीन समदरिया यांची प्रकृती चिंताजनक आहे. leopard attack गेल्या अनेक दिवसांपासून या परिसरात बिबट्याचा धुमाकूळ सुरू आहे. निवासी भागात बिबट्याचा वावर असल्याने नागरिकांमध्ये घबराटीचे वातावरण आहे. वनविभागाकडून लोकांना बिबट्याच्या हालचालींची माहिती देणाऱ्या घोषणा केल्या जात आहेत. वनविभागाचे अधिकारी लोकांना वनक्षेत्रात न जाण्याच्या सूचना देत आहेत.

बिबट्याने गावातील लोकांवरही हल्ला केला आहे. वाघाच्या हल्ल्यात तीन ग्रामस्थ गंभीर जखमी झाले आहेत. वाघाच्या हल्ल्यात गावकरी जानकीबाई, जीवन लाल सिंग, धरम सिंग हे जखमी झाले. अनेक दिवसांपासून गावात बिबट्याचा वावर असल्याने नागरिकांमध्ये भीतीचे वातावरण असून ते घराबाहेर पडण्यापूर्वीच घाबरले आहेत.  

बहुतांश लोक आपापल्या घरातच थांबले आहेत. जैतपूर आणि गोहपरू वनपरिक्षेत्रात वाघ आणि बिबट्याच्या हल्ल्यामुळे अनेक गावकऱ्यांना आणि गुरांना जीव गमवावा लागला आहे.