सीबीआय कडून मुलांच्या तस्करीच्या रॅकेट चा भांडाफोड

नवी दिल्ली / नवप्रहार मीडिया 

लहान मुलांची वस्तू प्रमाणे खरेदी विक्री करणाऱ्या टोळीचा सीबीआय ने भांडाफोड केला आहे.सीबीआयने या प्रकरणी दिल्ली, हरियाणा येथील आठ ठिकाणांवर छापेमारी केली आहे. दिल्लीतल्या केशवपूरम भागात एका घरातून तीन नवजात बालकांना वाचवण्यात आलेलं आहे..या प्रकरणात सहभागी असलेल्या आरोपींची सीबीआयकडून चौकशी सुरु आहे. यामध्ये मुलांना विकणाऱ्या महिलेसह खरेदी करणारे दोघे सहभागी आहेत.

सीबीआयने दिल्ली एनसीआरमधून सात ते आठ नवजात बालकांना वाचवलं आहे. सूत्रांच्या माहितीनुसार या केसची पाळंमुळं दिल्लीच्या सीमेच्याही पलिकडे पसरलेली आहेत. अटक करण्यात आलेल्या लोकांमध्ये एक तर हॉस्पिटलचा वॉर्डबॉय आहे आणि अनेक इतर महिलांचा समावेश आहे.