महाकाल मंदिरात भस्म आरतीच्या वेळी आग ; पाच लोक होरपळले

उज्जैनमधून मोठी बातमी समोर येत आहे. उज्जैनच्या महाकाल मंदिरात सोमवारी भस्म आरती सुरू असताना गर्भगृहात आग लागली. या आगीच्या घटनेत पुजाऱ्यासह पाच जण होरपळले आहेत. या आगीच्या घटनेत जखमी झालेल्या भाविकांना तातडीनं रुग्णालयात दाखल करण्यात आलं आहे. त्यांच्यावर रुग्णालया उपचार सुरू आहेत. आगीवर नियंत्रण मिळवण्यात यश आलं आहे. भस्म आरतीच्या वेळी अबीर-गुलाल लावला जात होता, याचदरम्यान ही घटना घडली आहे.