संदेशखाली दौऱ्यात आले भयानक सत्य समोर 

नवी दिल्ली: / नवप्रहार मीडिया

                       पश्चिम बंगाल मधील संदेशाखाली हे गाव तेथील आमदार आणि त्याच्या कार्यकर्त्यांच्या अमानुष अत्याचारामुळे चर्चेत आले आहे. हे प्रकरण उघड झाल्या नंतर देशातील कान्या कोपऱ्यात याची चर्चा सुरू झाली. यानंतर

एका स्वयंसेवी संस्थेच्या (एनजीओ) सहा सदस्यीय तथ्य शोध पथकाने रविवारी बंगालच्या उत्तर 24 परगणा जिल्ह्यातील संदेशखालीस भेट दिली. यावेळी लैंगिक अत्याचारासह अन्य प्रकारही समोर आल्याचे पथकाने सांगितले आहे. दरम्यान, हा अहवाल राष्ट्रपती द्रौपदी मुर्मू यांनाही सादर करण्यात येणार असल्याचे समजते.पथकाचे नेतृत्व करणारे पाटणा उच्च न्यायालयाचे माजी मुख्य न्यायाधीश एल नरसिंह रेड्डी म्हणाले की, कोलकत्ता उच्च न्यायालयाच्या आदेशानुसार त्यांनी संदेशखाली येथील माझेरपाडा, नतुनपाडा आणि नस्करपाडा या तीन गावांना भेट दिली आणि पथकाच्या सदस्यांनी पीडितांशी चर्चा केली.