पत्नीची नकार घंटा , पतीचा संताप आणि हैवान पतीची कौर्याची परिसीमा 

इम्रानने सहा जानेवारीला रात्री पत्नीच्या गळ्यात कात्री खुपसली. त्यानंतर हातोड्याने त्याने आपल्या पत्नीच्या डोक्यावर वार केले. पत्नीचा मृत्यू झालाय अशी शंका आली तेव्हा त्याने पळून जाण्याचा प्रयत्न केला. पण ते करण्याआधी त्याने तिच्या गुप्तांगालाही इजा केली.

महिलेच्या कुटुंबाने तक्रार केल्यानंतर पोलिसांनी आयपीसीच्या कलम 302 खाली इम्रानवर गुन्हा दाखल केला. त्याला अटक करताना काही अडचण आली नाही मात्र चौकशीमध्ये त्याने कुठलंही सहकार्य केलं नाही शिवाय आपण असं कृत्य केलंच नसल्याचं तो म्हणत राहिला. असं असलं तरी घटनास्थळावरचे पुरावे त्याने केलेला गुन्हा सरळसरळ उघड करणारेच होते. त्यामुळे पोलिसांनी बळाचा वापर करुन चौकशी केली असता इम्रानने गुन्ह्याची कबुली दिली.