गडचिरोली, / तिलोत्तमा हाजरा
: मुक्तिपथ अभियानाद्वारे दारूच्या व्यसनींना व्यसनमुक्त करण्यासाठी जिल्ह्याच्या दुर्गम, अतिदुर्गम भागांत सातत्याने व्यसनोपचार शिबिरे आयोजित करण्यात येत असून या शिबिरांना उत्फूर्त प्रतिसाद देत ९३ व्यसनी रुग्णांनी दारूचे व्यसन सोडण्याचा निर्धार केला.
गाव संघटनेच्या माध्यमातून दुर्गम व ग्रामीण भागात वसलेल्या विविध गावांत मुक्तिपथतर्फे व्यसनोपचार शिबिर घेण्यात आले. यावेळी दारूच्या धोकादायक व्यसनामुळे त्रस्त झालेल्या ९३ रुग्णांनी उपचार घेतला.मुलचेरा तालुक्यातील बोलेपल्ली येथे एकदिवसीय व्यसनोपचार शिक्षण क्लिनिक घेण्यात आले. यामध्ये एकुण २५ रुग्णांनी नावनोंदणी केली व २० रुग्णांनी पूर्ण उपचार घेतला. शिबिराचे नियोजन तालुका संघटक रूपेश अंबादे यांनी केले. शिबिरासाठी पोलिस पाटील तिम्मा, पेसा अध्यक्ष रमेश तिम्मा, भुमया मस्तरे झोरे व इतर गावांतील मंडळींनी मदत केली. धानोरा तालुक्यातील कोसमी येथे एकूण २२ रुग्णांनी पूर्ण उपचार घेतले. शिबिराचे नियोजन भास्कर कड्यामी यांनी केले, तर या शिबिरासाठी गाव पाटील उदेसिंग मडावी, पेसा सचिव बुधा नैताम, सिंगू होळी, सेवन मडावी, इतर गावांतील मंडळींनी मदत केली. रुग्णांची केस हिस्ट्री संयोजक प्रभाकर केळझरकर यांनी घेतली, तर समुपदेशन व तपासणी छत्रपती घवघवे यांनी केली. तसेच रुग्णांना दारूचे दुष्परिणाम व धोक्याचे घटक समजावून सांगितले. भामरागड तालुक्यातील हेमलकसा येथे १३ रुग्णांनी पूर्ण उपचार घेतला. शिबिरात रुग्णाची केस हिस्ट्री संयोजक दशरथ रमकाम यांनी घेतली, तर रुग्णांना समुपदेशन व औषधी माहिती पूजा येल्लूरकर यांनी दिली. रुग्णांची नोंद तालुका प्रेरक विद्या पुंगाटी यांनी केली. क्लिनिकचे व्यवस्थापन व नियोजन तालुका कार्यकर्ता आबिद शेख यांनी केले. गाव प्रमुख रामलू सदमेक, रामा महाका, चिन्नू महाका यांनी सहकार्य केले. विशेष म्हणजे या गावातील हे पाचवे शिबिर आहे. गडचिरोली तालुक्यातील गुरवळा येथील शिबिरात २१ जणांनी उपचार घेतला.अहेरी तालुक्यातील कासमपल्ली येथे ८ रुग्णांनी उपचार घेतला. एटापल्ली तालुक्यातील नेंडेर येथे ९ रुग्णांनी उपचार घेतला आहे. रुग्णांची नोंदणी रवींद्र वैरागडे, स्पार्क कार्यकर्ता राजेश, उत्कर्ष यांनी केली. क्लिनिकचे नियोजन तालुका संघटक किशोर मलेवार व गाव संघटनेने केले.
तिलोत्तमा समर हाजरा .गडचिरोली
