घाटंजी तालुका प्रतिनिधी -सचिन कर्णेवार
पावसाळा अगदी तोंडावर आल्यामुळे घाटंजी येथील नगर परिषद प्रशासनाने मान्सूम पूर्व नाल्यांची साफसफाई मोहीम युध्दपातळीवर केलेली आहे. घाटंजी शहरात नाल्यांचे पाणी व शहरातील घरगुती सांडपाणी वाहून नेण्यास भूमिगत लहान नाल्यांची साठलेले पाणी गटार सफाई करण्यात येत आहे. याद्वारेच समस्त शहरातील सांडपाणी बाहेर नदीपर्यंत वाहून नेले जात असुन लहान नालीमधील कचरा, गाळ काढून साफ करुन मोठ्या नाल्यांची साफसफाई जेसीबी,पोकलॅंड व तसेच या वेळेस ५० फुटी मोठ्या पोकलॅंड द्वारे सफाई करणे सुरु आहे.सध्या पावसाळा अगदी तोंडावर असल्यामुळेच मान्सूनपूर्वं नालेसफाईला वेग आला आहे.येथील आनंद नगर,पांढुर्णा रोड,गोविंद टाॅकीज मागील मोठा नाला व वडार मोहल्ला मधील नाला, घाटी येथील नाल्या वाहत्या करुन शेवटी वाघाडी नदीच्या बाहेरील सोडण्यात येत आहे. सध्यस्थितीत नाल्यांमध्ये मोठ्या प्रमाणावर कचरा,गाळ,टाकाऊ पदार्थं पडून असल्यामुळे पाण्याचा निचरा होत नाही. दरवर्षीच घान पाणी व पावसाळ्यात नाल्याचे पाणी घरात शिरू नये म्हणून येथील नगर परिषद प्रशासन अलर्ट झाले असून मान्सूनपूर्व नालेसफाईला वेग आला आहे .पावसाळा अगदी तोंडावर आल्यामुळे येथील नगर परिषद प्रशासनाने मागील ५० वर्षांत प्रथमच जेसीस कॉलनी ते गजानन महाराज मंदिर पर्यंत चा मोठा नाला ५० फुटी पोकलॅंड द्वारे स्वच्छ करुन झाल्यामुळे नागरिकांनी आनंद व्यक्त होत आहे. याकरिता मुख्याधिकारी तथा प्रशासक श्री.अमोल माळकर यांच्या मार्गदर्शनाखली पाणीपुरवठा व स्वच्छता अभियंता राजू घोडके ,अमित प्रधान ठेकेदार परीवेक्षक बाळा भोयर,दत्ता पेटेवार, बंटी गवई, हे परिश्रम घेत आहे, तसेच शहरातील नाल्या पावसाच्या पाण्यामुळे तुंबणार नाही या करिता नागरिकांनी नाली मधे प्लास्टीक कचरा फेकू नये व प्लास्टीक पन्निचा वापर टाळावा या बाबत मुख्याधिकारी अमोल माळकर यांनी घाटंजी तील जनतेला आव्हान केले आहे.
