एसडीएम यांची अवैध वाळू ट्रक वर कारवाई

                          धामणगाव तालुक्याच्या हद्दीतून अवैध वाळू वाहतूक करणाऱ्या दोन ट्रक वर एसडीएम  तेजश्री कोरे आणि तहसीलदार चांदुर रेल्वे मातोडे मॅडम यांनी कारवाई करत दोन अवैधरित्या वाळू वाहून नेणारे ट्रक पकडले आहेत.

                 मागील काही दिवसांपासून समृद्धी महामार्गाने अमरावती जिल्ह्यात अवैध रित्या वाळूची तस्करी सुरू आहे. आज एसडीएम तेजश्री कोरे आणि चांदुर रेल्वे येथील तहसीलदार मातोडे मॅडम यांनी धामणगाव रेल्वे तालुक्यातील नारगावंडी येथे अवैध वाळू वाहतूक कर्मर्या दोन ट्रक्स वर कारवाई केली आहे.

सा. नवप्रहार ने आधीच दिली होती कल्पना – सा. नवप्रहार ने यापूर्वीच समृद्धी महामार्गावायून वाळूची अवैध वाहतूक होत असल्याची पूर्व कल्पना दिली होती. पण वाळू माफियांच्या ‘ बिदागी ‘ ला बळी पडलेल्या महसूल प्रशासनाने याकडे लक्ष दिले नाही.

तहसीलदार आणि निवासी एन टी यांचे वाळू माफिया सोबात आहे साटेलोटे ? – धामणगाव रेल्वे येथील तहसीलदार आणि निवासी नायब तहसीलदार यांचे वाळू माफिया सोबत साटेलोटे असल्याचे सूत्रांचे म्हणणे आहे. त्यामूळे वरिष्ठांनी याकडे लक्ष देण्याची गरज आहे.

प्रती ट्रक 20 हजार रु. एन्ट्री असल्याची चर्चा – वाळू माफियात सुरू असलेल्या चर्चेनुसार धामणगाव रेल्वे महसूल विभाग एका वाहनाचे प्रती महिना 20 हजार रु एन्ट्री घेत असल्याचे बोलल्या जात आहे.

नवप्रहार च्या बातमीची सत्यता पुन्हा एकदा सिध्द –  नवप्रहार ने यापूर्वीच महसूल विभागाच्या कथित आशीर्वादाने समृद्धी महामार्गावरुन वाळूची अवैध वाहतूक होत असल्याची बातमी प्रसिद्ध केली होती. एसडीएम आणि चांदुर तहसीलदार यांनी केलेल्या कारवाई मुळे नवप्रहार च्या बातमीची सत्यता पुन्हा एकदा सिध्द झाली आहे.