क्राइम
उच्चशिक्षित प्राध्यापक चालवत होता सेक्स रॅकेट घराच्या तळमजल्यात चालवत होता सेक्स रॅकेट
भारतीय मुली 4 हजार तर विदेशी मुली 8 ते 10 हजारात करत होता उपलब्ध
छत्रपती संभाजीनगर / प्रतिनिधी
उच्च शिक्षित प्राध्यापक ट्युशन क्लासच्या नावाखाली तळमजल्यातच सेक्स रॅकेट चालवत असल्याची धक्कादायक बाब समोर आली आहे.सुनील रामचंद्र तांबट (54, रा. एन-7) असे त्या प्राध्यापकाचे संदीप मोहन पवार (32, रा. जाधववाडी) असे त्याच्या साथीदाराचे नाव आहे. बीड बायपास वर सेक्स रॅकेट चालत असल्याची माहिती पोलिसांना मिळाली होती.
बीड बायपास परिसरात बंगल्यात सुरू असलेल्या या कुंटणखान्यावर पोलिसांनी छापा मारून 5 जणांना अटक केली. विदेशी तरुणीसह दिल्लीच्या 2 तरुणींची सुटका केली. सेक्स रॅकेटसाठी कुख्यात तुषार राजेंद्र राजपूत आणि प्रवीण बालाजी कुरकुटे यांच्यासह अन्य तिघांना यात अटक करण्यात आली. कॅसिनोत नौकारीच्या बहाण्याने उझबेकिस्तानची 28 वर्षीय तरुणी देशाच्या उच्चभ्रू सेक्स रॅकेटमध्ये सक्रिय झाल्याची धक्कादायक माहिती समोर आली आहे. पुण्यातील टॉप महिला दलाल कल्याणीच्या माध्यमातून ती गेल्या 8 दिवसांपासून शहरात देहविक्री करत होती.
उपायुक्त नवनीत काँवत यांनी कारवाईच्या सूचना केल्या. निरीक्षक गीता बागवडे, सहायक निरीक्षक मनोज शिंदे, उपनिरीक्षक अमोल म्हस्के यांनी मंगळवारी सायंकाळी 7 वाजता बीड बायपासवरील एका उच्चभ्रू वसाहतीतील बंगल्यावर डमी ग्राहक पाठवला. वेश्याव्यवसायाची खात्री होताच धाड टाकली. त्यानंतर तुषार, प्रवीणसह अन्य पाच जणांना अटक केल्याचे काँवत यांनी सांगितले.
भारतीय मुलींची 4 हजार तर विदेशी मुलींसाठी 8 ते 10 हजार रुपयांमध्ये देहविक्री चालत होती. तुषारच्या मोबाइलमध्ये शहरातील अनेक नामवंत व्यावसायिक, राजकीय पुढाऱ्यांचे नाव आढळल्याचेही पोलिसांनी सांगितले. तोच सर्व स्थानिक व्यवहार सांभाळत होता. तुषार, प्रवीणला शेवटचे 17 ऑक्टोबर 2020 रोजी बायपासवर अटक झाली होती. त्याच्यावर 6 तर प्रवीणवर 3 गुन्हे दाखल आहेत.
गेल्या 20 वर्षापासून तुषार सेक्स रॅकेट चालवतो. देशभरातील एजंटसोबत त्याचा संपर्क आहे. मात्र, शहरातील सेक्स रॅकेटमध्ये पहिल्यांदाच पुण्याच्या कल्याणीचे नाव समोर आले. कारागृहात राहूनही कल्याणी देशभरात सेक्स रॅकेट चालवण्यासाठी कुख्यात आहे
What’s your Reaction?
+1
+1
+1
+1
1
+1
1
+1
+1
